top of page
Capuchóns é un documental interactivo sobre o Entroido de Verín
Ti escolles o camiño para descubrir a historia desta festa que os veciños e veciñas desta vila do sur de Ourense conseguiron
manter viva durante a longa noite de pedra que
supuxo o Franquismo
A través de testemuñas, irás coñecendo momentos históricos destas celebracións, protagonistas, anécdotas, sentimentos
e tamén o que supuxo que en 2021 non se puidera
organizar por mor da COVID19
TRAILER
Verín é unha vila situada ao sur da provincia de Ourense, a 75 quilómetros da capital e a 12 da fronteira con Portugal
Entre montañas e defendido polo Castelo de Monterrei, Verín celebra todos os anos unha festa que reúne a miles de persoas: O Entroido
En 2021, debido
ás restricións establecidas para combater á COVID19, as rúas quedaron baleiras de disfraces
Para continuar
As partes
Desfile de 1967
Despois de dúas décadas celebrando o Entroido con bailes en asociacións e prazas, pero sen máscaras, os disfraces volveron as rúas de Verín en 1967, cando se organizou o primeiro desfile
Os antigos entroidos
Un repaso polos Entroidos de antes de 67, os posteriores a tan importante data para Verín e os elementos que caracterizaban aquelas celebracións que mantiñan o carácter enxebre
A esencia do Entroido
É difícil explicar en palabras o que é o Entrodo para Verín e a súa veciñanza, pero a través destas testemuñas, poderás te facer unha idea do que é, aínda que sen gozar da mellor parte
As carrozas de Fanfán
Na década dos 70, Fanfán e o seu socio, Luis Sola, foron os primeiros verineses que mecanizaron o Entroido, incluíndo nas súas carrozas luces, son ou cañóns de polvos talco, entre outros artiluxios
O Cigarrón
Este traxe é, para moitos, o elemento máis representativo do Entroido de Verín. Poñerse esta vestimenta é un ritual, un sentimento, algo do que estar orgulloso e unha tradición que pasa de pais a fillos
Entroido 2021
O silencio apoderouse das rúas de Verín en febreiro de 2021, unhas datas destacadas nos calendarios locais. A COVID impediu a celebración dunha festa que conseguiu sobrevivir á ditadura franquista
A orixe desta festa non está completamente clara. Algúns historiadores e antropólogos ao establecen na prehistoria e outros na Idade Media.
O que está claro é a procedencia etimolóxica da palabra "Entroido", que vén de introitus, que en latín significa entrada ou comezo do tempo da Coresma.
No dicionario na Real Academia Galega tamén está recollida a palabra Carnaval, a cal procede da italiana Carnavale, e que ao igual que a anterior, vén dunha expresión latina, neste caso carne levare, a cal significa “quitar a carne” e que se relaciona de novo con este tempo de Coresma
Los protagonistas
Adolfo Taboada
Olga Rivera
"Fanfán"
Modesto Meno e Gerardo Hervella
Miguel "Chita"
Antonio Prieto
O documental
CAPUCHÓNS
(Preme na imaxe para comezar o documental interactivo)
Contact
bottom of page